香港新浪網 MySinaBlog
« 上一篇 | 下一篇 »
燎原火 | 21st Jun 2009, 02:29 | 運動誌 | (56 Reads)

近呢幾個星期,右腳係前所未有咁痛,痛到行路行到Mark哥咁,令到果d成日想扮發哥既老青年非常之羨慕。(總是想起發哥食叉燒飯盒同埋李子雄丟d錢落地叫發哥攞去食lunch呢兩幕。)

 



因為突然咁痛,又唔知原因,咁咪係咁諗呢一排做過d乜會搞成咁,結果真係冇做過d乜野會整傷...
跟住諗下諗下,其實又好似係痛左好耐,只不過,對於肉體上既普通程度痛楚,我好多年前開始已經無視化。

對於突然痛到行路要跛下跛下,我心諗:
1. 三十一二歲就搞到咁,再老d點算呢?
2. 我仲可唔可以跑步呢?
3. 我仲可唔可以出side kick呢?
4. turning kick,back kick,front kick呢?
5. 我仲可唔可以用cut down呢?
6. 我仲可唔可以使出大飛四百四呢?
7. 我仲可唔可以使出中門噹噹踢來拆掉那些狗公的祠堂呢?
8. 我仲可唔可以使出噹噹加碎膝複腳二連撃來拆掉那些狗公中既XO的祠堂再摧毀其移動能力,以免它們再四圍害人呢?

看看,如果跛左,唔可以再伸張正義(及行使私刑),大家話,影響係幾咁大呢?我就係越諗越覺得後果何其嚴重。

因 為很擔心,而且人總有較弱既時候,咁我就在facebook個status度寫左「點先可以令隻右腳有番力同埋唔痛?」雖然建設性回應例如「試下自廢左 腳, 咁隻右腳會明顯有力好多, 另外左腳o既痛亦會蓋過右腳o既痛,保証見效!」不過在我決定好究竟用咩方法自廢左腳之前,師兄就問我痛既詳情。

最 後竟然發現我既徵狀師兄都曾經遇過,然後我回想一直以來我隻腳果d問題例如雖然行得走得踢得跳得,但係莫名其妙地容易攰,咁我就可以確定師兄講既野就係我 遇到既問題,聽左解決方法之後即刻放心,而且呢幾日又突然冇咁痛,真係好。師兄仲話原來師父都係咁,嘩,根據我一直以來既思考法,會定義呢一樣野為「天下 間所有高手的必經階段」,嗯,無錯,我應該已經差不多踏入高手的領域,噢~威啊!

[3]

不如買個輪椅坐坐。

謝天下
[引用] | 作者 謝天下 | 29th Jun 2009 03:08 | [舉報垃圾留言]

會唔會好貴?

[引用版主回覆] | 作者 燎原火 | 3rd Jul 2009 17:08

[2]

發哥那幕真經典. 很奇怪, 你住甚麼地方, 沒醫生嗎?


[引用] | 作者 嚴明 | 21st Jun 2009 18:51 | [舉報垃圾留言]


我只是在想,呢一種情況,盡可能先搞清楚是什麼問題才看醫生會好d,另外就係睇下有冇過來人有醫生介紹,如果唔係遇到d庸醫,自己又唔知自己乜事,就小小事都搞到變殘廢....

[引用版主回覆] | 作者 燎原火 | 27th Jun 2009 17:15

[1]

即係咩問題?


[引用] | 作者 brownie | 21st Jun 2009 09:06 | [舉報垃圾留言]


天生身體結構問題,令行路姿勢錯誤,加上年紀漸老,引致痛症。

[引用版主回覆] | 作者 燎原火 | 21st Jun 2009 10:26