香港新浪網 MySinaBlog
« 上一篇 | 下一篇 »
燎原火 | 22nd Nov 2008, 02:53 | 公事誌 | (98 Reads)

話慢唔慢,話快唔快,就係咁,我呢個唔想做又要做既偽富家子又開始左打工生涯第二章已經一個月了。

 

基本上我適應力強,都冇話乜野慣唔慣,同以前比較,真係好多唔同,不過我就係想唔同,如果同以前一樣就仆街了,唔係我諗住轉工把托呀?

呢 間公司,返工放工時間準時,呢度全個DEPT依家最早返多數係我,走既時間一定唔會過六點半;以前間公司,返工放工時間我極唔準時,果度全公司基本上我早 返果日一定係因為有好大鑊既事要處理,如果唔係我返到去都會落街食個早餐先再返上去,每日走既時間平均唔會早得過八點半。

呢間公司食飯準 時,我最欣賞佢SET左SCHEDULE SCAN VIRUS就正正係食飯時,人人見到開始SCAN VIRUS就知道要去食飯,進食定時,很健康;以前公司,食飯時間極唔準時,到左食飯時間唔會有人起身行動,一D比較有勇氣既同事起身提議大家不如去食晏 係在面子上冒了很大的風險,因為如果到時冇人SO佢咁就真係好冇面了!

呢度公司香港人數係近三百人,IT DEPT連我在內有三個人,即係三個人SERVE三百人,不過都叫做應付得到;以前公司連珠海OFFICE都係約二百多三百人,IT DEPT有四至五人,不過IT有多少人都唔係咁重要,因為事實上,情況係全公司二三百人既存在,都係為左SERVE緊兩位老闆,感覺上公司經營得好唔好同 D同事都好似冇關係咁...

呢度公司走出走入唔係咁自由咁...落一落街要FORMALLY講聲,其實都唔算好麻煩,不過我都決定左,OFFICE HOUR入左OFFICE就唔落街,因為連些少手續我都唔想做;以前公司,我走左去邊都唔會有人理,工作自己安排,其實都真係FREE。

呢 度公司個直屬上司係IT MANAGER,凡是我都REPORT俾佢知,乜都會請示下佢先,由於係IN HOUSE野,一D雞毛蒜皮既事我都會即時REPORT俾佢知,初初其實真係覺得好怪,又有D唔知點咁,但好在,呢度D工作範圍實在簡單得很,又唔駛寫 WORKING REPORT,又唔駛開會,唔駛開會自然唔駛寫MEETING MINUTES,超開心;以前公司,直屬上司係COO,的而且確我唔會果D芝麻綠豆既事都會REPORT佢知,不過我後來諗返先知原來佢都想我 REPORT D芝麻綠豆既事,可惜當時我已經離左職,嘿嘿~~果度工作講得好聽叫做多元化有挑戰性,講得唔好聽係永無寧日,問題天天多,仲要新奇剌激鑊鑊甘,咁都唔緊 要,但可惜我地好多時間係用左來開會,而開會之前寫WORKING REPORT又要用時間來準備開會,如果唔係俾人叉能廚到答唔出會相當無癮,開完知之後又要寫MEETING MINUTES,人地唔知以為我真係一個作家~~一個星期有一半時間吟詩作對,個TASK LIST當然長期好多OUTSTANDING野啦,不過你都可以話我辦事不力既...呢D我會檢討,不過我當日都試過好多方法改善,都唔掂,就當我渣好 了...

其實仲有其他有趣既對比,而有D冇話邊間好D邊間唔好,不過總括來講都係依家舒服簡單,掉轉講話係咪好有前途又唔係喎,又真係唔 係咁多機會學野,或者有D鑊爆下等你可以學多D野(雖然爆鑊真係會學到野,不過唔駛客氣了),但係安安定定你都可以安排到時間睇多D其他資料,都算係咁。 而依家呢間公司各方面都有好多野符合我當時搵工心目中想果d條件,就係時間夠穏定,唔太忙,咁先可以實行其他計劃,依家呢半年先儲返d糧餉,然後就可以走 下一步棋了,真係好!

[6] Re: 小靜
小靜 :
燎原火 :
小靜 : 很羨慕你,能夠找到公司的好處,我也努同之前份工比...應該好多工都會好易搵到我果D所謂好處,就好似...住過豬欄後,以後住有一處正常D既地方住...就已經覺得心滿意足...
但是豬欄有不止一個啊!可以從一個地獄跳去另一個地獄的。

當然~~~所以搵到一處似樣D既地方就要好好地幹...雖然好多時唔到你揀!

燎原火
[引用] | 作者 燎原火 | 23rd Nov 2008 15:30 | [舉報垃圾留言]

[5] Re: 燎原火
燎原火 :
小靜 : 很羨慕你,能夠找到公司的好處,我也努同之前份工比...應該好多工都會好易搵到我果D所謂好處,就好似...住過豬欄後,以後住有一處正常D既地方住...就已經覺得心滿意足...

但是豬欄有不止一個啊!可以從一個地獄跳去另一個地獄的。

小靜
[引用] | 作者 小靜 | 23rd Nov 2008 10:42 | [舉報垃圾留言]

[4] Re: 小靜
小靜 : 很羨慕你,能夠找到公司的好處,我也努力中...

同之前份工比...應該好多工都會好易搵到我果D所謂好處,就好似...住過豬欄後,以後住有一處正常D既地方住...就已經覺得心滿意足...

燎原火
[引用] | 作者 燎原火 | 23rd Nov 2008 01:13 | [舉報垃圾留言]

[3]

很羨慕你,能夠找到公司的好處,我也努力中...

小靜
[引用] | 作者 小靜 | 22nd Nov 2008 23:06 | [舉報垃圾留言]

[2] Re: Oasis
Oasis :
很好啊~

的確係好的~~~~

燎原火
[引用] | 作者 燎原火 | 22nd Nov 2008 12:48 | [舉報垃圾留言]

[1]

很好啊~

Oasis
[引用] | 作者 Oasis | 22nd Nov 2008 10:43 | [舉報垃圾留言]